बीड: गेल्या आठ महिन्यांपासून शेतकऱ्याचं आलेलं अनुदान वाटप न केल्यानं शिवसेनेने आक्रमक पवित्रा घेतलाय. बीडच्या गेवराई तालुक्यात असणाऱ्या सिरसदेवी येथील डिसीसी बँकेच्या शाखेसमोर तात्काळ अनुदान वाटप करावं. ही मागणी घेऊन बेमुदत उपोषण सुरू केले आहे. (Shiv Sena's indefinite fast in beed against the DCC Bank's Sirsadevi branch)

हे देखील पहा -

गेवराईच्या सिरसदेवी येथील जिल्हा मध्यवर्ती बँकेच्या कार्यक्षेत्रात 7 गावांचे अनुदान आले आहे. मात्र गेल्या आठ महिन्यांपासून हे अनुदान शेतकऱ्यांना मिळालेलं नाही. त्यामुळे काजळवाडी, धानोरा, डिग्रस, जळगाव, कांबी, गोळेगाव, खेर्डा बुद्रुक, खेर्डेवाडी, आम्ला या गावांमधील शेतकऱ्यांना एक ना अनेक आर्थिक समस्यांना सामोरे जावे लागत आहे. त्यात गेल्या महिनाभरापासून पाऊस सुरू असून अनेक ठिकाणी अतिवृष्टी झाली आहे. त्यात शेतकऱ्यांचे अतोनात नुकसान झाला आहे. त्यामुळे या शेतकऱ्यांना शासनाने दिलेला अनुदान वाटप करावे. या मागणीसाठी शिवसेनेचे तालुकाप्रमुख कालिदास नवले यांच्यासह कार्यकर्त्यांनी बेमुदत उपोषण सुरू केले आहे.

दरम्यान तात्काळ अनुदान वाटप करा, अन्यथा शिवसेनेच्या वतीने तीव्र आंदोलन करण्यात येईल. असा इशारा कालिदास नवले यांनी दिला आहे.

Edited By - Akshay Baisane