शिरूर : शिरूर तालुक्यातील पिंपरखेड परिसरातून पतीसोबत दुचाकीवरून प्रवास करत असताना बिबट्याने (Leopard) पाठीमागुन शिकारीच्या हेतुने हल्ला केला. या हल्‍ल्‍यात बिबट्याने (Leopard Attack) महिलेला ठार केल्याची धक्कादायक घटना घडली. पूजा जाधव असे मृत महिलेचे नाव आहे.

आंबेगाव तालुक्यातील कळंब येथील रहिवासी असलेली सदर महिला पतीसोबत दुचाकीवर घरी जात होती. या दरम्‍यान पिंपरखेड बोंबेमळा येथे लघुशंकेसाठी थांबली. याचवेळी बिबट्याने या महिलेवर हल्ला करत उसाच्या शेतात ओढत नेत ठार केले.

परिसरात घबराटीचे वातावरण

बिबट्याने या महिलेला उसाच्या शेतात ओढत नेत चेहऱ्याचा भागा भक्ष म्हणून गिळंकृत केला. त्यामुळे बिबट्याच्या भितीने परिसरात घबराटीचे वातावरण पसरले असून याबाबत शेतकरी आक्रमक झालेत. या बिबट्याला जेरबंद करण्याचे मोठं आव्हान वन विभागापुढे असणार आहे.