अहमदनगर : कोरोना निर्बंधांमुळे नेहमी गजबजलेली साईबाबांची शिर्डी ओस पडल्याचे चित्र पाहायला मिळत आहे. देश-विदेशातील साईभक्त साईबाबांच्या दर्शनाला रोज हजारोंच्या संख्येने भाविक शिर्डीत दाखल होत असतात (Shirdi Temple Corona Restrictions Impact On The Economy Of Shirdi).

मात्र, कोरोना (Corona) निर्बंधांमुळे रात्री 9 ते सकाळी 6 वाजेपर्यंत साईबाबांचं समाधी मंदिर भाविकांना दर्शनासाठी बंद ठेवण्यात आलं आहे. शिर्डीत (Shirdi) येणाऱ्या भाविकांची संख्या कमी झाली आहे.

त्याचा परिणाम शिर्डीच्या अर्थकारणावर झाला आहे. शिर्डीत येणारे भाविक साईबाबांना भरभरुन दान देत असतात. मात्र, गर्दी कमी झाल्याने साईबाबा संस्थानच्या दानपेटीवरही परिणाम झाला आहे.

शिर्डीतील सर्व अर्थकारण साईबाबांच्या मंदिरावर अवलंबून आहे. शिर्डीमध्ये कोणतीही बाजारपेठ नाही. शिर्डीत शेकडो हॉटेल, रेस्टॉरंट आहे. त्यामध्ये हजारो तरुण काम करत असतात. तसेच, साईबाबांच्या मंदिर परिसरामध्ये फुल, हार, लॉकेट, प्रसादाचे दुकान रस्त्यावर फेरीवाले या सर्व छोट्या-मोठ्या व्यावसायिकांचा उदाहरण आणि हा सर्व साईबाबांच्या मंदिरावर अवलंबून आहे.

शेकडो हॉटेलमध्ये काम करणाऱ्या हजारो तरुणांची उपजीविका शिर्डीत येणाऱ्या भाविकांवर अवलंबून असते. मात्र, सध्या परिस्थिती बदलून गेली आहे. कोरोनाच्या निर्बंधांमुळे देश-विदेशातील येणाऱ्या साईभक्तांची गर्दी कमी झाली आहे. साईंच्या शिर्डीत भाविकच नाही, तर ग्राहक नाही, अशी परिस्थिती शिर्डीत निर्माण होत असते. कोरोनाच्या निर्बंधाचा परिणाम शिर्डीच्या अर्थकारणावर झाला आहे.

Edited By - Nupur Uppal