सचिन बनसोडे 

शिर्डी (अहमदनगर: : दीपोत्सव साजरा होत असून आज लक्ष्मीपूजन आहे. यानिमित्ताने सर्वत्र पूजन केले जात असते. आजच्या लक्ष्मीपूजनानिमित्ताने (Shirdi) शिर्डीचे साईबाबा मंदिरात देखील पूजा केली जाणार आहे. यामुळे (Saibaba) साईबाबा मंदिर आज सायंकाळी सव्वादोन तास मंदिर बंद राहणार आहे. (Live Marathi News)

शिर्डीच्या साई मंदिरात दर्शन घेऊन भक्त दिवाळी सण साजरा करण्यासाठी येत असतात. आज देखील भाविकांची रीघ सुरु असल्यामुळे शिर्डीत भाविकांची मांदियाळी दिसून येत आहे. साई संस्थानच्यावतीने दिवाळी व लक्ष्मीपूजनानिमित्ताने साई मंदिराला आकर्षक फुलांची सजावट करण्यात आली असून मंदिर परिसरात साईबाबा आणि प्रभु श्रीराम यांची आकर्षक रांगोळी साकारण्यात आली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सायंकाळी ७ वाजेपर्यंत मंदिर बंद 

आज लक्ष्मीपूजन आणि विविध धार्मिक विधी साईबाबा मंदिरात केल्या जाणार आहेत. या धार्मिक विधींसाठी शिर्डीचे साई मंदिर साडेचार ते पावणे सात वाजेच्या दरम्यान साईभक्तांना दर्शनासाठी बंद राहाणार आहे.