सचिन बनसोडे 

शिर्डी (अहमदनगर) : शिर्डीच्या साईबाबा मंदिराला मोठ्या प्रमाणात देणगी येत असते. रोख रकमेसह (Shirdi) दागिने देखील दान म्हणून दिले जातात. अशाच एका भाविकाकडून देण्यात आलेल्या देणगीतुन साई समाधी मंदिराच्या कळसाच्या आतील बाजूने सुवर्ण मुलामा लावण्यात आला आहे.  (Latest Marathi News)

देणगीदार साईभक्‍त बी. विजयकुमार यांनी सन-२००७ मध्‍ये समाधी मंदीरावरील कळस व त्‍याभोवताली असलेले चार गोपुर यांनाही सुवर्ण मुलामा देण्‍याचे काम देणगी स्‍वरुपात केलेले आहे. यावर आता पुन्‍हा (Saibaba Temple) एक थर सुवर्ण वज्रलेप करण्‍याचे कामही करण्‍यात आले आहे. यासाठी नेमका खर्च किती आला याबाबत गुप्तता पाळण्यात आली असून देणगीदार साईभक्‍तांच्‍या विनंतीवरुन देणगी मुल्‍य नमुद केलेले नाही. 

संस्थांनतर्फे देणगीदाराचा सत्कार 

देणगीदार साईभक्‍त श्री. बी. विजयकुमार व  सौ. सी. वनजा हैद्राबाद यांचे देणगीतून श्री साईबाबा समाधी मंदीराच्‍या कळसाचे आतील बाजुस सुवर्ण वज्रलेपाचे (मुलामा ) काम पुर्ण झाल्याने साईबाबा संस्‍थानच्‍या (Saibaba Sansthan) वतीने संस्‍थानचे मुख्‍य कार्यकारी अधिकारी पी. शिवा शंकर यांनी त्‍यांचा श्री साईबाबांची मुर्ती व विभुती देऊन सत्‍कार केला.