सचिन बनसोडे

शिर्डी (अहमदनगर) : कोरोनाच्या नव्या व्हेरीएंटच्या पार्श्वभूमीवर साई संस्थान सतर्क झाले आहे. येथे येणाऱ्या (Shirdi) भाविकांना आता मास्क सक्ती करण्यात आली आहे. मंदिर परिसरात (Corona) 'नो मास्क नो दर्शन'चे फलक लावण्यात आले आहे. (Live Marathi news)

कोरोना व्हायरसचा नवा व्हेरिएंट जेएन १ हळूहळू पसरत आहे. (Corona News Verient) राज्यातील अनेक भागात या नव्या व्हेरिएंटचे रुग्ण आढळून आले आहेत. यामुळे याबाबत सतर्क राहण्याचे आवाहन केले जात आहे. दरम्यान पालकमंत्री राधाकृष्ण विखे पाटील हे शिर्डी येथे आले असता त्यांनी कोरोना संदर्भात सूचना करत मास्क सक्तीचे आदेश दिले होते. यामुळे संस्थांच्यावतीने मंदिरांच्या प्रवेशद्वारावर कोरोना संदर्भातील फलक लावण्यात आले आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

भाविकांची गर्दी 

शिर्डी येथे साई दर्शनासाठी भाविकांचा ओघ सुरु आहे. आता नववर्षानिमित्ताने साई दर्शनासाठी भाविकांची गर्दी वाढतच आहे. येथे येणाऱ्या प्रत्येक भाविकाला मास्क घेऊनच यावे लागत आहे. अनेक भाविक मास्कसह साई समाधीचे दर्शन घेत आहेत. आगामी नवीन वर्षाचे होणारी गर्दी लक्षात घेता साईबाबा संस्थानच्या भाविकांना मास्क घालूनच दर्शन घ्या असे आवाहन साईबाबा संस्थानचे आहे.