एकनाथ शिंदेंच्या मुख्यमंत्रिपदाच्या कार्यकाळात सुरू केलेल्या अनेक योजना थंड बस्त्यात गेल्याची चर्चा आहे. आनंदाचा शिधा योजनेनंतर आता मुख्यमंत्री माझी शाळा, सुंदर शाळा योजनेलाही ब्रेक लागलाय...शाळेची स्वच्छता सौर्दयीकरण आणि पायाभुत सुविधांचा दर्जा सुधारण्यासाठी सुरू केलेली ही योजना... मात्र आता आनंदाचा शिधा नंतर या योजनवरही लाल शेरा मारला गेलाय. या दोन्ही योजनांवर शिंदेंच्या कार्यकाळात किती खर्च करण्यात आला..

माझी शाळा, सुंदर शाळा ही योजना केवळ वर्षभरच राबवण्यात आली.. त्यासाठी 2024 मध्ये सरकारनं 86 कोटी 73 लाख रुपये खर्चाची तरतुद केली होती...आनंदाचा शिधा योजनेचा 2023 मध्ये 1 कोटी 66 लाख 71 हजार 480 लाभार्थ्यांनी लाभ घेतला असून त्यासाठी 530 कोटी 19 लाख रुपये इतका खर्च आला.. तर 2024 मध्ये 1 कोटी 82 हजार 86 लाभार्थ्यांना योजनेचा लाभ घेतला असून त्यासाठी 563 कोटी 51 लाख रुपये सरकारकडून खर्च करण्यात आला

मात्र या दोन्ही योजना बंद पडल्यानंतर विरोधकांनी एकनाथ शिंदेंच्या कार्यकाळात सुरू झालेल्या पण आता बंद झालेल्या योजनांवरून महायुती सरकारवर निशाणा साधलाय...एकनाथ शिंदेंच्या कार्यकाळातील आनंदाचा शिधा, माझी शाळा, सुंदर शाळा, 1 रुपयात पीकविमा, स्वच्छता मॉनिटर योजना, 1 राज्य 1 गणेवश, युवा कार्य प्रशिक्षण, योजनादूत योजना आणि मुख्यमंत्री तीर्थ दर्शन योजना बंद झाल्याचा दावा अंबादास दानवेंनी केलाय...

दरम्यान शिंदेंच्या कार्यकाळातील योजनांवर लाल शेरा मारला जात असल्यानं सत्ताधाऱ्यांनी योजनांचा तिजोरीवरील भार स्पष्ट शब्दात मांडला तर विरोधकांनी मतांसाठीच्या योजना म्हणत शिंदेंवर टीका केलीय..विधानसभा निवडणुकीआधी महायुती सरकारनं लाडकी बहीण योजनेची घोषणा केली.. ज्यामुळे वर्षाला 36 हजार कोटी रुपये लाडकीसाठी खर्च केले जातायत... अशातच लाडकीचा हा भार राज्याच्या तिजोरीवरील आर्थिक बोजा वाढवत असल्यानं लोकप्रिय योजना राबवताना सरकारची कसरत होतेय, हे पुन्हा एकदा अधोरेखित झालयं... एकूणच काय योजना जाहीर करता येते पण त्यासाठी पैशांचं सोंग काही आणता येत नाही हेच खरं