खोपोली : भारतीय जनता पक्षा हा आता तत्वांचा पक्ष राहिलेला नाही. भाजप हा विचारांचा पक्ष हाेता. त्यांचे चांगले संघटन होते परंतु आता भाजपात उपरे वाढू लागल्याने पक्षाकडे काेणतीही ध्येय धाेरण उद्दीष्ट राहिली नसल्याची टीका शेतकरी कामगार पक्षाचे आमदार जयंत पाटील यांनी येथे केली. शेतकरी कामगार पक्षाचा मेळावा येथील समर्थ मंगल कार्यालयात झाला. त्यावेळी आमदार पाटील बाेलत हाेते. shetkari-kamgar-paksha-leader-jayant-patil-on-bjp-khopali-marathi-news-sml80

आमदार जयंत पाटील म्हणाले एक दाेन जण भाजपात जाऊन आले. त्यांना समजले आहे आता ताे पक्ष पहिल्या सारखा राहिलेला नाही. भाजप तसेच शेकापची उद्दीष्ठ पुर्णतः वेगळी आहेत. त्याकाळी भाजपातील नेते-कार्यकर्ते यांच्यात उत्तम वातावरण हाेते पण आता भाजपातील निष्ठावंत कमी हाेऊ लागले आहेत आणि उपऱ्यांची गर्दी वाढू लागली आहे. नितीन गडकरी यांच्या सारखे निष्ठावंत नेते आता भाजपात घडत नाहीत असेही आमदार पाटील यांनी नमूद केले.

दरम्यान शेकाप आगामी काळातील निवडणूक स्वबळावर लढवू शकते तरी देखील रायगडात कोणाबरोबर युती करायची याबाबत कार्यकर्त्यांशी चर्चा करू असे आमदार पाटील यांनी माध्यमांशी बाेलताना नमूद केले.

edited by : siddharth latkar