Keshavrao Dhondage: नववर्षाच्या पहिल्याद दिवशी राज्याच्या राजकारणातून दुखःद बातमी समोर येत आहे. मराठवाड्यातील शेतकरी कामगार पक्षाचे नेते, स्वातंत्र्य सेनानी केशवराव धोंडगे यांचे निधन झाले. त्यांच्यावर औरंगाबाद येथील खासगी रुग्णालयात त्यांच्यावर उपचारादरम्यान त्यांची प्राणज्योत मालवली. वयाच्या 102 व्या वर्षी त्यांनी अखेरचा श्वास घेतला. आपल्या आमदारकीच्या काळात त्यांनी राजकीय कारकिर्द चांगलीच गाजवली. शेतकरी कामगार पक्षामध्ये असतानाही त्यांचा राज्याच्या राजकारणात वेगळाच दबदबा होता. (Maharashtra Politics)

कंधार तालुक्यातील गरुळ गावी जन्मलेले केशवराव धोंडगे हे पाच वेळा आमदार आणि एक वेळ खासदार म्हणून निवडून आले होते. आपल्या तडफदार नेतृत्व कौशल्याने ते राजकारणातील मुलूख मैदानी तोफ म्हणून ओळखले जात होते. अनेक आंदोलनात सक्रिय सहभाग घेत त्यांनी सरकारला धारेवर धरले होते.

केशवराव धोंडगे यांनी आणीबाणीच्या आंदोलनाचेही नेतृत्व केले होते .1985 साली गुराखीगड स्थापण करुन जागतिक गुराखी साहित्य संमेलन आणि जागतिक गुराखी लोकनाट्य संमेलन भरवून अनोखा विक्रम केला.रेकॉर्डब्रेक जवळपास हजारो सत्याग्रह विविध नाव देवून यशस्वी केले. (Latest Marathi News)