(अक्षय बडवे, मुंबई)

Nationalist Congress Party Sharadchandra Pawar Group:

येत्या काही दिवसात लोकसभा निवडणुकांच्या कार्यक्रमांची घोषणा निवडणूक आयोगाकडून केली जाऊ शकते. या निवडणुकांच्या तयारीसाठी सर्व राजकीय पक्ष कामाला लागली आहेत. भाजप आणि त्यांच्या मित्रपक्षांना सत्तेपासून दूर ठेवण्यासाठी महाविकास आघाडीने कंबर कसलीय. महायुतीला पराभूत करण्यासाठी आता स्वत: शरद पवार मैदानात उतरलेत. (latest News)

लोकसभा (Lok Sabha) निवडणुका (Election) जिंकण्यासाठी शरद पवार स्वतः मैदानात उतरले असून ते राज्यभर दौरा करणार आहेत. भाजपला (BJP) पराभूत करण्यासाठी राष्ट्रीय पातळीवर देखील इंडिया आघाडीच्या घटक पक्षांनी तयारी सुरू केलीय. लोकसभा निवडणुकांसाठी राष्ट्रवादी काँग्रेस (Nationalist Congress) (शरदचंद्र पवार गट) पश्चिम महाराष्ट्रावर (West Maharashtra) करणार लक्ष केंद्रित करणार आहे.

 ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सुत्रांनी दिलेल्या माहितीनुसार, राज्यातील १२ ते १३ जागा शरद पवार गटाला मिळण्याची शक्यता आहे. पश्चिम महाराष्ट्रातील अनेक जागा शरद पवार गटाच्या वाट्याला येणार असल्याचं शक्यता वर्तवली जात आहे. दरम्यान अद्याप महाविकास आघाडीचा जागावाटपासंदर्भात निर्णय झालेला नाही. लवकरच जागा वाटपाचा फॉर्म्युला ठरणार असल्याची माहिती सुत्रांनी दिलीय.