छ्त्रपती संभाजीनगर : वर्षाच्या पहिल्याच महिन्यात शरद पवार यांना मोठा धक्का बसला आहे. मराठवाडा पदवीधर मतदारसंघाचे आमदार सतीश चव्हाण यांनी शरद पवार गटाचा राजीनामा दिला आहे. त्यानंतर शिर्डीतील अजित पवार गटाच्या अधिवेशनात पक्ष प्रवेश करणार असल्याची माहिती हाती आली आहे. आमदार सतीश चव्हाण यांच्या राजीनाम्यामुळे स्थानिक स्वराज्य संस्थेच्या निवडणुकीच्या पार्श्वभूमीवर शरद पवार गटाला मोठा धक्का मानला जात आहे.

शरद पवार गटाचे मराठवाडा पदवीधर मतदारसंघाचे आमदार सतीश चव्हाण यांनी अजित पवारांच्या राष्ट्रवादी प्रवेश करणार असल्याची माहिती हाती आली आहे. अजित पवार गटाच्या शिर्डीतील अधिवेशनात राष्ट्रवादीचं घड्याळ हातात बांधणार आहे. आगामी स्थानिक स्वराज्य संस्थेच्या निवडणुकीच्या आधीच पक्षाची साथ सोडणार असल्याने शरद पवार गटाला मोठा धक्का मानला जात आहे.

सतीश चव्हाण हे विधानसभा निवडणुकीपूर्वी अजित पवारांच्या राष्ट्रवादीत होते. त्यानंतर निवडणूक लढवण्यासाठी शरद पवार यांच्या राष्ट्रवादी काँग्रेसमध्ये प्रवेश केला होता. आता विधानसभा निवडणुकीनंतर महायुतीचं सरकार आल्यानंतर सतीश चव्हाण यांनी डाव बदलला. सतीश चव्हाण हे उद्या अजित पवार गटाच्या शिर्डी येथे होणाऱ्या अधिवेशनात प्रवेश करणार आहे.

कोण आहेत सतीश चव्हाण?

सतीश चव्हाण हे शरद पवार गटातील ज्येष्ठ नेते आहेत. ते २००८ सालापासून राष्ट्रवादीच्या माध्यमातून मराठवाडा पदवीधर मतदारसंघातून ते विधानपरिषद सदस्य म्हणून कार्यरत होते. सतीश चव्हाण यांनी डॉ. बाबासाहेब आंबेडकर मराठवाडा विद्यापीठाच्या व्यवस्थापन परिषदेचा सदस्य, सिनेट सदस्यपदीही काम केलं आहे.