Shambhuraj Desai News : समाज माध्यमातून छत्रपती शिवाजी महाराज (chhatrapati shivaji maharaj) यांच्या बद्दल आक्षेपार्ह पोस्ट करणा-या अल्पवयीन मुलास पाेलिसांनी ताब्यात घेतले आहे. दोन समाजात तेढ निर्माण करणारा काेणी मास्टर माईंड असेल तर त्याला शाेधून काढू असे आश्वासन आज (गुरुवार) पालकमंत्री शंभूराज देसाई (Shambhuraj Desai) यांनी शिवप्रेमींना सातारा (Satara) येथे दिले. (Maharashtra News)

समाज माध्यमातून छत्रपती शिवाजी महाराज (chhatrapati shivaji maharaj) यांच्या बद्दल आक्षेपार्ह पोस्ट करून महाराष्ट्राची व छत्रपती शिवाजी महाराज यांची बदनामी करण्याचा प्रकार सातारा जिल्ह्यात घडला. याचा आज हजाराे युवकांनी एकत्रित येत जिल्हाधिकारी कार्यालयासमाेर रास्ता राेकाे आंदाेलन करुन निषेध नाेंदविला.

यानंतर काही हिंदुत्ववादी संघटनांच्या पदाधिका-यांनी तसेच युवकांनी पालकमंत्री शंभूराज देसाई यांची काेयना दाैलत या निवासस्थानी त्यांची भेट घेतली. यावेळी देसाई यांनी छत्रपती शिवाजी महाराज यांची बदनामी करणा-यावर कठाेर कारवाई केली जाईल असे शिवप्रेमींना आश्वासित केले.

देसाई म्हणाले पदाधिकारी यांनी दिलेल्या माहितीनूसार यापूर्वी देखील काही अल्पवयीन मुलांना हाताशी धरुन महापुरुषांची बदनामी करण्याचा प्रकार घडला आहे. सायबर विभागातील वरिष्ठ अधिका-यांकडून या प्रकरणाचा तपास केला जाईल. दोन समाजात तेढ निर्माण करणारा काेणी मास्टर माईंड असेल तर त्याला शाेधून काढून त्याच्यावर कायदेशिर कारवाई केली जाईल असेही नमूद केले.

Edited By : Siddharth Latkar