Shahaji Bapu Patil : सांगोल्याचे (sangola) शिंदे गटाचे आमदार शहाजी बापू पाटील आता नव्या रुपात लोकांसमोर आले आहेत. तब्बल सव्वाशे किलो वजन असलेल्या आमदार पाटील यांनी एका आयुवेर्दिक हाॅस्पिटलमध्ये जावून वजन कमी केले आहे. त्यांच्या नव्या रुपाची राजकीय (politics) वर्तुळात चर्चा सुरू झाली आहे.

हिवाळी अधिवेशनात शहाजी बापू (Shahaji Bapu Patil Latest Marathi News) हे दोन दिवस सहभागी झाले हाेते. त्यानंतर आमदार शहाजी बापू पाटील यांनी आपले मित्र महेश पाटील यांच्या सोबत थेट कर्नाटकामधील श्री श्री कॉलेज ऑफ आयुर्वेदिक सायन्स अँड रिसर्च हॉस्पिटल या ठिकाणी पंचकर्म आणि सुदर्शन क्रिया करण्यासाठी दाखल झाले.

बंगळुरूमधील आश्रमातील शहाजी बापू यांचा दिनक्रम 24 डिसेंबरपासून सुरु झाला. आठ दिवस ते पहाटे पाच वाजता उठून दोन तास योगासन करणे, उकडलेल्या पालेभाज्यांचा आहार घेणे असा दिनक्रम हाेता. त्याशिवाय ध्यान, धारणा आणि व्यायाम ही केला. शनिवारी त्यांचा हा वेटलाॅस (weight loss) कोर्स पूर्ण झाला. उद्यापासून पुन्हा ते सांगोला तालुक्यातील मतदार संघात येणार आहेत.

Edited By : Siddharth Latkar