कोल्हापूर: ज्येष्ठ नेते प्राध्यापक एन. डी. पाटील सर यांची प्रकृती गंभीर आहे. कोल्हापुरातील खाजगी रुग्णालयात प्रा. एन डी पाटील (ND Patil) यांच्यावर उपचार सुरू आहेत. वातावरणातील बदलामुळे कणकण वाटत असल्याने त्यांना रुग्णालयात दाखल करण्यात आले होते. कोरोनाच्या दुसऱ्या लाटेत प्रा. एन. डी.पाटील यांनी कोरोनाची (Corona) लागण ही झाली होती, परंतु त्यातून ते सुखरुप बरे होऊन घरी आले होते. डॉ. अशोक भोपाली माहिती देताना म्हणाले, गेली अनेक दिवसांपासून प्रा.डॉ. पाटील हे उपचार घेत आहेत. त्यांची एक किडनी काढली आहे.

सध्या 11 जानेवारी रोजी त्यांचं बोलणं बंद झालं आहे. याच दिवशी काही तपासणी करून ऍडमिट केलं गेलं होते. सध्या त्यांची शुद्ध हरपली आहे. ऍडव्हान्स ट्रीटमेंट देऊन त्रास होईल असे उपचार करू नयेत अशी त्यांची इच्छा आहे. त्यामुळे कोणतेही मोठी उपचार केले नाहीत. परिस्थिती ढासळत आहे. चार दिवसापासून शुद्ध हरपली आहे. मेंदू बऱ्याच अंशी निकामी झाला आहे. श्वासोच्छ्वास कमी झाला आहे. हायपोक्स झाला असल्याची माहिती उपचार करत असल्याच्या डॉक्टरांनी दिली आहे.

Edited By: Pravin Dhamale