School Bus Accident : विद्यार्थ्याच्या सहलीला गेलेल्या बसला मुंबई पुणे एक्सप्रेस वेवर अपघात झाल्याची घटना समोर आली आहे. सुदैवाने एकही विद्यार्थी जखमी झाला नसल्याची माहिती समोर आली आहे.

डोंबिवलीतील म्हात्रे विद्यालयाच्या सहलीच्या बसला खालापूर हद्दीत जुन्या मुंबई-पुणे महामार्गावर अपघात झाला आहे. कार्ला येथील एकवीरा देवीचे दर्शन घेऊन खोपोली येथील गगनगीरी महाराजांच्या मठाकडे येत असताना शिंग्रोबा मंदिर परीसरात हा अपघात झाला.

बसचे ब्रेक फेल झाल्याने बस एका झाडावर आणि शेजारच्या रेलिंगला जाऊन आदळली. सुदैवाने या अपघातामध्ये एकही विद्यार्थी जखमी झाला नाही. अपघातानंतर अॅब्युलन्समधून सर्व विद्यार्थी आणि शिक्षकांना गगनगिरी महाराजांच्या मठात सोडले.