सावंतवाडी रोणापाल सोनुर्ली गावानजीक एक धक्कादायक घटना समोर आली होती. सोनुर्ली गावाच्या मध्यभागी असलेल्या कराडीच्या घनदाट जंगलात विदेशी महिलेला लोखंडी साखळ्यांनी बांधून ठेवण्यात आलं होतं. दोन तीन दिवस बांधून ठेवल्यामुळे तीची प्रकृतीही खालावली आहे. स्थानिकांमुळे हा प्रकार निदर्शनास आल्यानंतर पोलिसांनी महिलेची सुटका केली होती. दरम्यान या घटनेची गंभीर दखल अमेरिकन दूतावासाने घेतली असून तिच्या पतीविरोधात गुन्हा दाखल केला आहे. तीचा पती भारतीय असून त्याला ताब्यात घेण्याचं मोठं आव्हान पोलीसांसमोर आहे.

महिलेजवळ मोबाईल, टॅब आणि ३१ हजार रुपये रोख सापडले आहेत. सध्या या महिलेवर गोवा बांबोळी वैद्यकीय महाविद्यालयाच्या रुग्णालयात उपचार सुरू आहेत. ललिता कायी कुमार एस असं या अमेरिकन महिलेचं नाव आहे. या घटनेची घडलेल्या या अमानवी घटनेची गंभीर दखल अमेरिकन दूतावासाने घेतली आहे. त्या महिलेच्या सुरुवातीच्या जबाबावरून तिच्या पतीविरोधात सोमवारी रात्री उशिरा बांदा पोलीस ठाण्यात कलम-109, 125, 127-2, नुसार गुन्हा दाखल करण्यात आला आहे. पती सतीश भारतीय असल्याची माहिती आहे.

सावंतवाडी रोणापाल येथील जंगलात लोखंडी साखळीने या महिलेला बांधून ठेवण्यात आलं होतं. याची सर्व माहिती कुठे व कोणत्या परिस्थितीत बांधून ठेवण्यात आले होते याची प्रत्यक्षदर्शी ग्रामस्थांनी माहीती दिली आहे 27 जुलै दिवशी हा प्रकार उजेडात आला होता. मात्र दोन दिवस अगोदरच त्या महीलेचा रोणापाल जंगलात आवाज येत होता मात्र वादळी वारे व पावसामुळे जंगलात जाता आले नाही मात्र 27 जुलै रोजी एक गुराखी त्याठिकाणी गेला तेव्हा त्या महिलेला साखळदंडाने एका झाडाला बांधून ठेवल्याचे प्रत्यक्षदर्शी ग्रामस्थांनी सांगीतले आहे.