सातारा : सुमारे सहा लाख भाविकांची उपस्थिती असलेल्या पुसेगाव यात्रेच्या मुख्य दिवशी निघणा-या मिरवणुकीत घाेड्यांचा समावेश नकाे असा आदेश जिल्हाधिकारी शेखर सिंह (shekhar sinh) यांनी काढला आहे. घाेडे बिथरल्यास चेंगराचेंगरीची शक्यता नाकारता येत नसल्याने हा आदेश काढण्यात आला आहे.

सातारा (satara) जिल्ह्यातील पुसेगावातील श्री सेवागिरी महाराज यांची वार्षिक यात्रा (yatra) आजपासून सात जानेवारीपर्यंत संपन्न हाेणार आहे. एक जानेवारी २०२२ या यात्रेचा मुख्य दिवस आहे. या दिवशी श्री सेवागिरी महाराज यांच्या प्रतिमेची व पादुकांची रथातून मिरवणुक काढली जाते. या मिरवणुकीत बॅन्ड पथक, भजन-किर्तन मंडळे, घाेडे आदींचा समावेश असताे. या मिरवणुकीत सुमारे पाच ते सहा लाख भाविक सहभागी हाेतात. या मिरवणुकीत पुसेगाव भागातील घाेडे मिरवणुकीत सहभागी हाेत असतात. यावेळी घाेड्यांचे मालक हे गर्दीत घाेड्यांच्या कसरती दाखविणे, नृत्य करावयास लावणे वेळ प्रसंगी चाबकाने घाेड्यांना मारहाण करणे असे करतात.

त्यामुळे नाचणारे घाेडे बिथरल्यास ते यात्रा उधळून लावण्याची व त्यातून लाेकांची चेंगराचेंगरी हाेवून जिवितहानी हाेण्याची शक्यता नाकारता येत नाही. तरी कायदा व सुव्यवस्थेचा प्रश्न निर्माण हाेऊ नये यासाठी मिरवणुकीत घाेड्यांना सहभागी हाेण्यास मनाई करण्याचा आदेश नुकताच जिल्हाधिकारी शेखर सिंह (shekhar sinh) यांनी काढला आहे. हा आदेश यात्रेच्या मुख्य दिवशी लागू राहणार आहे. त्याची काटेकाेरपणे अंमलबजावणी करावी असे जिल्हाधिकारी शेखर सिंह (shekhar singh) यांनी नमूद केले आहे.

edited by : siddharth latkar