दिवाळी अवघ्या काही दिवसांवर आलीय, त्याआधी पोलीस कर्मचाऱ्यांसाठी आनंदाची बातमी हाती आलीय. सातारा जिल्हा पोलीस दलाच्या आस्थापनेवरील एकूण ४६ पोलीस अंमलदारांना पदोन्नती देण्यात आलीय. यामध्ये २४ जणांना श्रेणी उपनिरीक्षक, तर उर्वरितांना सहायक उपनिरीक्षक आणि हवालदार पदी बढती मिळालीय. ४६ पोलीस अंमलदारांना पोलीस अधीक्षक निखिल पिंगळे यांनी विविध पदांवर पदोन्नती जाहीर केली.

यामध्ये २४ सहायक पोलीस उपनिरीक्षकांना 'श्रेणी पोलीस उपनिरीक्षक' ११ पोलीस हवालदारांना 'सहायक पोलीस उपनिरीक्षक' आणि ११ पोलीस नाईक व शिपायांना 'पोलीस हवालदार' पदी बढती देण्यात आली. पदोन्नती मिळालेल्या सर्व अंमलदारांचे पोलीस अधीक्षक निखिल पिंगळे, अपर पोलीस अधीक्षक डॉ. वैशाली कडुकर आणि पोलीस उपअधीक्षक कृष्णकुमार जाधव यांनी अभिनंदन करून शुभेच्छा दिल्या.

गृहविभाग आणि अप्पर पोलीस महासंचालकांच्या निर्देशानुसार विहित अटींच्या अधीन राहून ही पदोन्नती देण्यात आलीय. यामध्ये सातारा जिल्हा पोलीस दलाच्या स्थापनेवरील २४ सहायक पोलीस उपनिरीक्षकांना ‘श्रेणी पोलीस उपनिरीक्षक’ (ग्रेड पीएसआय) पदावर बढती देण्यात आली.

हवालदार आणि सहायक उपनिरीक्षक पदी पदोन्नती

सामान्य प्रशासन विभागाच्या शासन निर्णयानुसार ११ पोलीस हवालदारांना सहायक पोलीस उपनिरीक्षक पदावर पदोन्नती देण्यात आली आहे. तसेच, ११ पोलीस नाईक व शिपायांना पोलीस हवालदार पदावर बढती मिळालीय. पोलीस अधीक्षक निखिल पिंगळे, अप्पर पोलीस अधीक्षक डॉ. वैशाली कडुकर आणि गृह विभागाचे उपअधीक्षक कृष्णकुमार जाधव यांनी पदोन्नती मिळालेल्या सर्व अंमलदारांचे अभिनंदन करून त्यांना पुढील वाटचालीस शुभेच्छा दिल्या.