ओंकार कदम, प्रतिनिधी...

Satara Crime News: गुरांना चारा घेण्यासाठी दिलेले पैसे परत मागितल्याचा राग मनात धरुन महिलेला भरचौकात मारहाण केल्याची घटना साताऱ्याच्या माण तालुक्यात घडली आहे. महिलेला लाथा बुक्क्यांनी बेदम मारहाण केल्याप्रकरणी म्हसवड पोलीस ठाण्यत गुन्हा दाखल करण्यात आला आहे. (Crime News In Marathi)

याबाबत सविस्तर माहिती अशी की, माण तालुक्यातील (Man) पानवण येथे चाऱ्याचे पैसे परत मागितल्याच्या रागातून महिलेला बेदम मारहाण करण्यात आली. भरचौकात चौघा जणांकडून महिलेवर हल्ला चढवत लाथाबुक्क्यांनी मारहाण केली. तसेच धारदार शस्त्राने तिच्यावर वार केले.

तसेच जातीवाचक शिवीगाळ करून जीवे मारण्याचा प्रयत्नही केला. या प्रकरणात देवदास महादेव तुपे यांनी म्हसवड (Mhaswad) पोलीस ठाण्यात गुन्हा दाखल करण्यात आला असून पोलिसांनी दोघांना अटक केली आहे. देवदास नरळे, पिंटू नरळे अशी अटक केलेल्यांची नावे असून संतोष नरळे, जनाप्पा शिंदे हे दोघे पळून गेले आहेत.

दरम्यान, या घटनेचा व्हिडीओ सोशल मीडियावर (Social Media) व्हायरल झाल्यामुळे एकच खळबळ उडाली आहे. या हल्ल्यामध्ये पीडित महिला गंभीर जखमी झाली असून, तिला म्हसवड येथील प्राथमिक आरोग्य केंद्रात उपचारासाठी दाखल केले आहे. पोलीस याबाबतचा अधिक तपास करत आहेत. (Crime News In Marathi)