सातारा : शनिवारपासून बेपत्ता असलेल्या बहीण भावाचा मृतदेह तुकाईनगर (पाडेगाव) परिसरात आज (रविवार) सकाळी निरा उजव्या कालव्यात आढळला. पाेलिसांनी दाेघांचे मृतदेह युवकांच्या सहकार्यातून पाण्यातून बाहेर drown काढून शवविच्छेदनासाठी पाठविले. वय वर्ष चार आणि अडीच वर्षाच्या बालकांचा अशा पद्धतीने झालेला मृत्यूची सविस्तर चाैकशी पाेलिस करीत आहेत.

अंदोरी (ता. खंडाळा) नजीकच्या रुई येथील प्रशांत रामचंद्र राणे यांचा चार वर्षाचा मूलगा आशिष आणि अडीच वर्षाची मुलगी ऐश्वर्या हे दाेघे भाऊ बहीण शनिवारपासून बेपत्ता हाेते. त्यामुळे त्यांचे शाेध सुरु हाेता. ही दाेन्ही बालक बेपत्ता झाल्याची माहिती लोणंद पोलिसांना देण्यात आली. पोलिसांनी तातडीने शाेधाशाेध सुरु केली परंतु शनिवारी रात्री पर्यंत बालक सापडली नाहीत.

आज (रविवार) सकाळी राणे कुटुंबियांच्या नजीक असलेल्या निरा उजव्या कालव्यात आशिषचा मृतदेह आढळला तसेच त्याची बहीण ऐश्वर्या हिचा सोळस्कर वस्तीनजीक पोलिसांना आढळला. पोलिसांनी दाेघांचे मृतदेह शवविच्छेदनासाठी पाठविले. या बालकांचा कशामुळे मृत्यू झाला याची तपास पोलिस करीत आहेत अशी माहिती सहाय्यक पाेलिस निरीक्षक विशाल वायकर यांनी दिली.

Edited By : Siddharth Latkar