नवनीत तापडिया, छत्रपती संभाजीनगर

Satara News: आजवर कौटुंबिक हिंसाचाराच्या अनेक घटना समोर आल्या आहेत. शासनामार्फत महिलांवरील अन्याय अत्याचार कमी होण्यासठी कठोर कायदे करण्यात येत आहेत. मात्र तरी देखील अद्यापही महिलांवरील अत्याचाराच्या घटना कमी झालेल्या नाहीत. सातारा येथून अशीच एक थरारक घटना समोर आली आहे. (Latest Crime News)

मिळालेल्या माहितीनुसार, आपल्या राहत्या घरात पतीने आपल्या पत्नीला बेदम मारहाण केली आहे. मारहाण करत या नराधमाने महिलेवर ऍसिड फेकत क्रूरतेचा कळस गाठला आहे. याप्रकरणी शहरातील सातारा पोलीस ठाण्यात गुन्हा दाखल करण्यात आला आहे.

सविता सुनील पैठणे असे पीडित महिलेचे नाव आहे. राहत्या घरी मारहाण करत तिच्यावर ॲसिड फेकण्यात आले आहे. गंभीर जखमी अवस्थेत तिला घाटी रुग्णालयात दाखल करण्यात आले असून उपचार सुरू आहेत. या प्रकरणी शहरातील सातारा पोलीस ठाण्यात गुन्हा दाखल करण्यात आला आहे. पोलीस निरीक्षक प्रशांत पोद्दार हे पुढील तपास करत आहेत.

शारीरिक अन् मानसिक छळ करून ट्रिपल तलाक

पुण्यात (Pune) देखील अशीच एक एकघटना समोर आली आहे. विवाहितेचा शारीरिक आणि मानसिक छळ करून ट्रिपल तलाक दिल्याप्रकरणी खडकी पोलिसांनी आरोपी पतीला अटक केली आहे. न्यायालयाने पतीला दोन दिवसांची पोलीस कोठडी सुनावली आहे.Divorce

या संदर्भात २३ वर्षीय विवाहितेने फिर्याद दिली आहे. पती आणि सासरच्या लोकांनी विवाहितेवर संशय घेऊन तिचा शारीरिक आणि मानसिक छळ केला. पतीने तीन वेळेस तलाक (Divorce) म्हणत नांदवण्यास नकार दिला.