Satara News : स्वच्छ पाणीपूरवठा करा या मागणीसाठी आज (गुरुवार) साता-यातील पश्चिम भागातील शेकडाे नागरिक रस्त्यावर उतरले. मंगळवार पेठ, ढाेणे काॅलनीतून माेर्चाने आलेल्या नागरिकांनी शहरातील मुख्य बाजारपेठेत रास्ता राेकाे आंदाेलन करत सातारा पालिका (satara palika) प्रशासनाचा निषेध नाेंदविला. या आंदाेलानमुळे वाहतुक खाेळंबली गेली. (Maharashtra News)

साताऱ्यातील (satara) ढोणे कॉलनी , मंगळवार पेठ या भागात अनेक दिवसांपासून नागरिकांना दूषित पाणीपुरवठा होत आहे. त्याबाबतची माहिती नुकतीच स्थानिक माजी नगरसेवकांनी पालिका प्रशासनास निवदेनाच्या माध्यमातून दिली हाेती. स्वच्छ पाणीपूरवठा न झाल्यास आंदाेलनाचा इशारा देखील त्यावेळी देण्यात आला हाेता.

आज या भागात पाणीपूरवठा झाल्यानंतर नागरिक संतप्त झाले. त्यांनी माजी नगरसेवक रवींद्र ढोणे यांची भेट घेतली. त्यानंतर ढाेणे यांच्यासह शेकडो नागरिक घंटा नाद करत शहरातील राजवाडा भागात मोर्चाने आले.

त्यानंतर माेती चाैक येथे नागरिकांनी रास्ता रोको केला. सातारा नगरपालिकेच्या अधिकाऱ्यांनी दूषित पाण्याबाबत काेणतीच कार्यवाही न केल्याने आंदाेलन छेडल्याचे महिलांनी सांगितले. यावेळी नागरिकांनी पालिकेच्या विरोधात घोषणाबाजी देखील केली.

Edited By : Siddharth Latkar