ओंकार कदम, सातारा...

Satara Karandwadi Accident News: सातारा जिल्ह्यातून एक ह्रदयद्रावक घटना समोर आली आहे. सातारा शहरा जवळच्या कारंडवाडी येथे अरुंद पुलावरून जाणारी ट्रॅक्टर ट्रॉली उलटून ४ महिलांचा मृत्यू झाला. या अपघातात एका महिला गंभीर जखमी झाली आहे. या दुर्देवी घटनेने परिसरात एकच खळबळ उडाली आहे.. (Satara Tractor Accident)

याबाबत अधिक माहिती अशी की, सातारा (Satara) शहरालगत असलेल्या कारंडवाडी येथून एक दुर्देवी घटना समोर आली आहे. शेतातील कामे करून घरी परत जात असताना ट्रॅक्टर ट्रॉली अरुंद पुलावरून कॅनॉलमध्ये पडून चार महिलाचा मृत्यू झाला. या अपघातात एक महिला जखमी आहे.

शेतातील कामे आवरुन जनावरांचा चारा घेऊन घरी ट्रॅक्टर ट्रॉलीतून या महिला जात होत्या. पावसामुळे या परिसरात रस्त्यावर चिखल झाला होता. कॅनॉलवरील अरुंद पुलावरून जात असताना घसरट्यामुळे ट्रॉली पलटी झाली. ट्रॉलीतील चार महिला कॅनॉलमध्ये पडल्या. ज्यामध्ये त्यांचा दुर्देवी मृत्यू झाला..

अलका भरत माने (वय ५५), अरुणा शंकर साळुंखे (वय ५८), सीताबाई निवृत्ती साळुंखे (वय ६५),लिलाबाई शिवाजी साळुंखे (वय ६०) सर्व रहाणार कारंडवाडी अशी अपघातात मृत्यू झालेल्या महिलांची नावे आहेत. या दुर्देवी घटनेने सर्वत्र हळहळ व्यक्त केली जात आहे.. (Accident News)