Sapna Choudhary : राज्यात गणेशाेत्सव धूमधडाक्यात साजरा केला जात आहे. या काळात बहुतांश गणेशाेत्सव मंडळे सांस्कृतिक कार्यक्रम राबवित असतात. जालना (jalna) येथील देखील गणेश फेस्टिव्हल निमित्त प्रसिद्ध गायकिा सपना चाैधरी हिचा कार्यक्रम आयाेजिला हाेता. या सभेस हिंदू महासभेने विराेध दर्शविला. पाेलिसांनी (police) त्यापुर्वीच कार्यकर्त्यांना ताब्यात घेतल्याने कार्यक्रम पार पडला.

गणेश फेस्टिवल मध्ये रविवारी शहरात सपना चौधरी यांच्या सांस्कृतिक कार्यक्रमाचे आयोजन करण्यात आले होते. कार्यक्रमाला हिंदू महासभाच्या वतीने विरोध ही करण्यात आला होता. मात्र कार्यक्रमा पूर्वीच हिंदू महासभेच्या कार्यकर्त्यांना पोलिसांनी स्थानबद्ध केल्यानं मोठ्या पोलिस बंदोबस्तात हा कार्यक्रम पार पडला.

सपना चौधरी यांच्या गाण्यावर शहरातील युवकांसह आयोजकांनी ही ठेका धरला. कार्यक्रमा दरम्यान काही तरुणांनी हुल्लड बाजी केल्याने पोलिसांनी त्यांना काठ्यांचा प्रसाद ही दिला. या कार्यक्रमास मोठ्या प्रमाणात महिलांची उपस्थिती हाेती. काही प्रेक्षकांनी व्यासपीठावर ही जाण्याचा प्रयत्न केला मात्र त्यांना आयोजकांनी अडवल्यामुळे काही काळ गोधळ ही उडाला होता.

Edited By : Siddharth Latkar