नागपूर : राज्याचे उपमुख्यमंत्री आणि बीड जिल्ह्याचे पालकमंत्री अजित पवार यांनी संतोष देशमुख यांचे बंधू धनंजय देशमुख यांनी बीडमध्ये भेट घेतली. संतोष देशमुख प्रकरणावर दोघांनी चर्चा केली. संतोष देशमुख प्रकरणावर अजित पवारांनी एक ड्राफ्ट बनवून द्यायला सांगितल्याचे धनंजय देशमुख यांनी सांगितलं.

संतोष देशमुख यांचे बंधू धनंजय देशमुख यांची उपमुख्यमंत्री अजित पवारांशी भेट झाली. या भेटीनंतर धनंजय देशमुख यांनी माध्यमांशी संवाद साधला. धनंजय देशमुख म्हणाले, 'संतोष देशमुख हत्या प्रकरणांमध्ये आवाज उठवला. त्या लोकप्रतिनिधींना टार्गेट केलं जात आहे. जेलमध्ये काही सुरु आहे. या सर्व विषयांवर मी अजित पवारांची भेट घेतली'.

'मला त्यांनी मागणीचा एका ड्राफ्ट बनवून द्यायला सांगितलाय. तो ड्राफ्ट मी म्हणून त्यांच्याकडे दिलाय. माझ्या मागण्या अजित पवारांनी पूर्ण केल्यानंतर मी त्यांच्या भेटीवर समाधानी होईल, अशी प्रतिक्रिया धनंजय देशमुख यांनी दिली.

'माझे बंधू संतोष देशमुख यांना खोट्या अत्याचाराच्या गुन्ह्यात अडकवण्यात येणार होतं. आम्हाला देखील माहिती मिळाली होती. ज्या महिलेकडे हे प्रकरण करण्यात येणार होते. त्या महिलेची देखील हत्या झाल्याची माहिती समोर आली आहे. आम्ही सर्व माहिती मागणार आहोत. त्या संदर्भात निवेदन पोलीस अधीक्षकांना देणार आहे, असे धनंजय देशमुख यांनी दिली आहे. त्याचबरोबर भाजप आमदार अभिमन्यू पवार यांनी आज आमच्या कुटुंबांची विचारपूस केली आहे.