पैशांनी भरलेल्या बॅगेचा व्हिडिओ राऊतांनी दाखवल्यानंतर संजय शिरसाटांनी हा दावा केला होता. मात्र याप्रकरणाला 24 तास उलटल्यानंतर शिरसाटांनी आपल्य़ाच दाव्यावरून फारकत घेत पुन्हा एकदा नवं विधानं केलय.

दरम्यान संजय शिरसाट विरुद्ध संजय राऊत हा वाद आत कोर्टात जाणार आहे. कारण शिरसाटांनी तो व्हिडिओ मॉर्फ केला असल्याचा दावा करत राऊतांविरोधात आक्रमक भूमिका घेतलीय.

दुसरीकडे जर ती कपड्यांची बॅग आहेत तर मग उघडून दाखवा.. असं म्हणत संजय राऊतांनी संजय शिरसाटांना थेट आव्हान दिलंय...

संजय शिरसाटांचा व्हिडिओ पोस्ट करून राऊतांनी शिंदेसेनेची कोंडी केल्याची चर्चा आहे. अशातच राऊतांनी अनेक नेत्यांच्या व्हिडिओ आपल्याकडे असल्याचा इशारा सत्ताधारी पक्षातील नेत्यांना दिलाय..

दरम्यान शिरसाट राऊतांना अब्रु नुकसानीची नोटीस पाठवणार का? या नोटीसीला राऊत रोखठोक स्टाईलनं काय उत्तर देणार? इशाऱ्याप्रमाणं राऊत इतर नेत्यांच्या व्हिडिओही पोस्ट करून सत्ताधारी पक्षातील नेत्यांची कोंडी करणार का? याकडे अनेकाचं लक्ष लागलयं..