Sanjay Raut On Raj Thackeray Speech: काल दादरच्या शिवाजी पार्क (Shivaji Park) मैदानावर मनसेचा (MNS) गुढी पाडवा मेळावा पार पडला. यावेळी राज ठाकरेंनी जाहीर सभेतून महाराष्ट्रातील सत्तासंघर्ष तसेच उद्धव ठाकरेंवर जोरदार हल्लाबोल केला. उद्धव ठाकरेंमुळेच एकनाथ शिंदेंसारखे अनेकजण शिवसेनेतून बाहेर पडले, अशी टीकाही त्यांनी यावेळी केली.

उद्धव ठाकरेंवर (Udhav Thackeray) केलेल्या टीकेनंतर शिवसेना ठाकरे गटाचे नेते संजय राऊत यांनी राज ठाकरेंना चोख प्रत्यूत्तर दिले आहे. "पक्षाला १८ वर्ष पुर्ण झाली आहेत, आता त्यांनी त्यांच्या पक्षाचं बघावं," असा सल्लाही त्यांनी दिला आहे. (Latest Marathi News)

काय म्हणाले संजय राऊत..

याबाबत अधिक माहिती अशी की, राज ठाकरेंच्या (Raj Thackeray) पाडवा मेळाव्यातील सभेतील टीकेला संजय राऊत यांनी चोख प्रत्यूत्तर दिले आहे. "एकनाथ शिंदे, राज ठाकरे, भाजपसह सर्वच पक्ष फक्त उद्धव ठाकरेंवर टीका करत असतात. उद्धव ठाकरे हे मोठे नेते आहेत त्यामुळेच प्रत्येकाने त्याची धास्ती घेतली असल्याचे," ते यावेळी म्हणाले.

यावेळी पुढे बोलताना संजय राऊत (Sanjay Raut) यांनी मनसेवर टीका केली. "पक्षाला १८ वर्ष पुर्ण झाली आहेत, पक्ष वयात आला आहे, ते काय बोलतात याकडे आम्ही लक्ष देत नाही, आम्हाला आमची ताकद माहित आहे, क्षमता माहित आहे," असा टोलाही त्यांनी यावेळी लगावला..

जनतेच्या प्रश्नांवर बोला...

तसेच यावेळी बोलताना संजय राऊत यांनी "आज प्रत्येकजण भाजपने लिहून दिलेली भाषणे वाचत आहे. जनतेसमोर अनेक समस्या आहेत. महागाई आहे, अवकाळी पावसाने शेतकऱ्यांचे नुकसान झाले आहे अशा मुद्द्यांवर बोलावे," असे आवाहनही त्यांनी विरोधकांना केले आहे. (Maharashtra Politics)