Sangli News : डॉ. बाबासाहेब आंबेडकर मागासवर्गीय मुलांचे शासकीय वस्तीगृहात निकृष्ट दर्जाचे जेवण मिळत असल्याने मुलांनी वस्तीगृह बाहेर अन्नत्याग आंदोलन सुरू केले आहे. यावेळी मुलांनी हातात ताट घेऊन जेवण आमच्या हक्काचे नाही कुणाच्या बापाचे अशी घोषणाबाजी केली. (Maharashtra News)

सांगली येथील डॉक्टर बाबासाहेब आंबेडकर शासकीय वस्तीगृहात गेल्या अनेक महिन्यापासून निकृष्ट दर्जाचे जेवण ठेकेदार पुरवत असल्याची तक्रार मुलांची आहे. त्यावर कोणतीही कारवाई झाली नसल्याने आज (शनिवार) मुलांनी आंदोलनाचा पवित्रा घेतला.

विशेष म्हणजे आजचे आंदाेलन मुलांनी हे अन्नत्याग करुन केले आहे. यावेळी मुलांनी भोजन ठेका बदलून दिला पाहिजे. शैक्षणिक खर्च आणि निर्वाह भत्ता तात्काळ मिळालाच पाहिजे अशा मागण्या देखील केल्या आहेत.

दरम्यान वस्तीगृहाचे अधीक्षक यांनी जेवणाचा दर्जा तपासून पाहून ठेका रद्द करण्याची मागणी प्रशासनाला पाठवण्यात येणार असल्याचे साम टीव्हीशी बाेलताना स्पष्ट केले.

Edited By : Siddharth Latkar