सांगली : सांगली जिल्हा मध्यवर्ती बँकेकडून होत असलेली कर्ज वसुली व वाटप धोरणाविरुद्ध स्वाभिमानी शेतकरी संघटनेकडून आंदोलन करण्यात आले. (Sangli) आज बँकेच्या मध्यवर्ती कार्यालयासमोर स्वाभिमानी शेतकरी संघटनेकडून बोंबाबोंब आंदोलन करत बँकेच्या धोरणाचा निषेध नोंदवण्यात आला. (Breaking Marathi News)

सांगली जिल्हा मध्यवर्ती बँकेकडून सर्वसामान्य शेतकऱ्यांना (Farmer) देण्यात आलेल्या कर्जाची वसुली सक्तीने करण्यात येत आहे. मात्र दुसरीकडे बँकेतल्या बड्या कर्जदारांवर कोणत्याही प्रकारची कारवाई करण्यात येत नसल्याचा आरोप यावेळी करण्यात आला. कर्जाची सक्तीने होत असलेली वसुली तातडीने थांबवावी. तसेच बड्या थकबाकीदारांची वसुली करण्यात यावी; अशी मागणी स्वाभिमानी शेतकरी संघटनेकडून (Swabhimani Shetkari Sanghatna) करण्यात आली आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तर बँकेला ठोकणार टाळे 

स्वाभिमानी शेतकरी संघटनेचे जिल्हाध्यक्ष महेश खराडे यांच्या नेतृत्वाखाली हे बोंबाबोंब आंदोलन करण्यात आले. तसेच बँकेचे मनमानी कारभार न थांबल्यास जिल्हा मध्यवर्ती बँकेच्या कार्यालयाला टाळे ठोकू; असा इशारा यावेळी स्वाभिमानीकडून देण्यात आला आहे.