सांगली : अदृश्य शक्तींनी कधी महाराष्ट्रावर प्रेम केले नाही. तर दिल्लीची नजर नेहमीच महाराष्ट्रावर वाईट राहिली आहे; अश्या शब्दात राष्ट्रवादी शरद पवार गटाच्या खासदार सुप्रिया सुळे यांनी भाजपवर निशाणा साधला आहे. तसेच महाराष्ट्रातलं राजकारण गलिच्छ झालं. हे दुर्दैवी आहे; अशी खंत देखील सुप्रिया सुळे यांनी व्यक्त केली आहे.

विधानसभा निवडणुकीचा प्रचार अंतिम टप्प्यात आला असताना खासदार सुप्रिया सुळे या सांगलीच्या (Sangli) आटपाडी येथे खानापूर विधानसभा मतदारसंघातले राष्ट्रवादी काँग्रेस शरद पवार गटाचे उमेदवार वैभव पाटील यांच्या प्रचारानिमित्त आयोजित सभेत बोलत होत्या. (Supriya Sule) यावेळी त्यांनी केंद्र व राज्यातील भाजप सरकारवर सडकडून टीका केली आहे. 

ती माझ्या आई-आजोबांची शेताची कमाई

माझ्यावर सोन्याचा चमचा घेऊन जन्माला आल्याची टीका होते. पण सोन्याचा चमचा घेऊन आलो. यात माझी काय चूक? असा सवाल उपस्थित करत, जे काही माझं आहे. ते माझ्या आई-आजोबांची शेताची कमाई आहे. कोण्या ईडी, सीबीआयची नाही; अशा शब्दात सुप्रिया सुळेंनी भाजपावर टीका देखील केली आहे.