सांगली : दिल्लीत सुरू असणाऱ्या राष्ट्रीय कुस्तीपटूच्या आंदोलनास वाळवा तालुका (NCP) राष्ट्रवादी काँग्रेस पक्षाच्यावतीने समर्थन दिले आहे. कुस्‍तीपटूंच्‍या समर्थनार्थ (Sangli News) राष्‍ट्रवादी कॉंग्रेसने रस्‍त्‍यावर उतरून आंदोलन केले. (Latest Marathi News)

राष्ट्रवादी काँग्रेसचे प्रदेशाध्यक्ष आमदार जयंत पाटील (Jayant Patil) यांच्या उपस्थितीत कुस्‍तीपटूंच्‍या आंदोलनाला पाठिंबा देण्यात आला. या कुस्तीपटूंच्या आंदोलनाला पाठिंबा देण्यासाठी राष्ट्रवादी काँग्रेस वाळवा तालुका कडून इस्लामपूर येथे आंदोलन करण्यात आले. या आंदोलनामध्ये राष्ट्रवादीचे प्रदेशाध्यक्ष जयंत पाटील यांच्यासहीत राष्ट्रवादीच्या पदाधिकाऱ्यांनी सहभाग घेतला.

लोकशाही संपविली जातेय

यावेळी देशातील भाजपा (BJP) सरकारकडून लोकशाही संपवली जात असल्याचा आरोप राष्ट्रवादी काँग्रेसकडून करण्यात आला. तसेच महिला कुस्तीपटूंच्या बाबतीत गैरवर्तन करणाऱ्याला भाजप पाठीशी घालत असल्याचा आरोप जयंत पाटील यांनी यावेळी केला आहे.