सांगली : भावी मुख्यमंत्री म्हणून अनेकांची महत्त्वकांक्षा असते मात्र सध्याचे शिंदेंचे नेतृत्व भक्कम आहे आणि सर्वांना न्याय देणारे आहे. त्यामुळे येणारी २०२४ ची निवडणूक महायुती मुख्यमंत्री शिंदेंच्या (Ajit Pawar) नेतृत्वात लढवेल आणि विजयी होईल असे सांगत आमच्या सरकारकडे मोठे बहुमत असल्याने सरकारला कसलाही धोका नसल्याचे (Shahaji Patil) शहाजी बापू पाटील यांनी सांगितले. (Breaking Marathi News)

भावी मुख्यमंत्री म्हणून लागलेल्या पोष्टरवरून सांगोलाचे आमदार शहाजी पाटील यांनी उपमख्यमंत्री अजित पवार यांना अप्रत्यक्ष टोला लगावला. ते सांगलीत (Sangli News) फॅबटेक मल्टीस्टेट सोसायटीच्या उद्घाटनप्रसंगी बोलत होते. याचबरोबर अजित दादांनी आमदारांना केलेल्या निधी वाटपाचे स्वागत करीत सर्व आमदार समाधानी असल्याचे त्यांनी यावेळी सांगितले.

निधी वाटपावर समाधानी 

जयंत पाटील यांना निधी आणि जितेंद्र आव्हाड यांना निधी दिला नाही. यावर बोलताना ग्रामीण आणि शहरी निधीमध्ये फरक असतो. त्यामुळे भविष्यात नगरविकासमधून निधी मिळेल. मात्र मी तरी समाधानी असल्याचे शहाजी बापूंनी सांगितले. राज्यात एकीकडे पावसाचा हाहाकार आहे. मात्र सांगोला तालुक्यात पावसाची ओढ असल्याने येथील शेतकरी अडचणीत आहे. त्यामुळे सांगोला तालुक्यातील शेतकऱ्यांना सरकारने मदत करावी; अशी मागणीही शहाजी बापू पाटील यांनी केली.