Sangli Krushi Utpanna Bazar Samiti Result : देशातील अग्रगण्य बाजार समिती मानल्या जाणाऱ्या सांगली कृषी उत्पन्न बाजार समितीच्या निवडणूकीत महाविकास आघाडीने निर्विवाद सत्ता मिळवली आहे. या निवडणूकीत विराेधी भाजपाच्या गटास एकही जागा मिळवता आलेली नाही. (Breaking Marathi News)

या निवडणुकीत भाजपाचे कामगार मंत्री सुरेश खाडे (suresh khade), खासदार संजयकाका पाटील (mp sanjaykaka patil) ,माजी आमदार विलासराव जगताप (vilasrao jagtap) यांनी मविआच्या नेत्यांपुढे आव्हान उभे केले हाेते.

मतदारांनी राष्ट्रवादी काँग्रेस प्रदेशाध्यक्ष जयंत पाटील (jayant patil) माजी मंत्री विश्वजीत कदम (vishwajeet kadam), काँग्रेसचे प्रदेश उपाध्यक्ष विशाल पाटील (vishal patil), माजी मंत्री अजित घोरपडे (ajit ghorpade) यांचे नेतृत्व स्विकारात महाविकास आघाडीला निवडणूकीत दणदणीत विजय मिळवून दिला आहे.

सांगली कृषी उत्पन्न बाजार समितीच्या निवडणूकीत 18 पैकी 17 जागांवर महाआघाडीच्या उमेदवारांचा दणदणीत विजय झाला आहे. तसेच एका जागेवर व्यापारी गटातून अपक्ष उमेदवार विजयी झाला आहे. या निवडणुकीच्या निकालानंतर मविआच्या कार्यकर्त्यांनी एकच जल्लाेष केला.

Edited By : Siddharth Latkar