Mahavitran News : सांगली (Sangli) जिल्ह्यातील पलूस येथील वीज महावितरण कंपनीच्या कार्यालयात लाचलुचपत प्रतिबंधक विभागाने मोठी कारवाई केली आहे. तक्रारदार यांच्या कंपनीने सादर केलेल्या सोलर इन्स्टॉलेशनची फाईल मंजूर करण्याकरिता उपकार्यकारी अभियंता अतुल श्रीरंग पेठकर (atul petkar) यांना 45 हजार रुपयांची लाच घेताना रंगेहाथ पकडण्यात आले. याप्रकरणी सहाय्यक अभियंता सागर विलास चव्हाण (sagar chavan) यालाही ताब्यात घेण्यात आले आहे. दोघांवर पलूस पोलीस ठाण्यात गुन्हा दाखल करण्यात आला आहे. (Sangli Latest Marathi News)

तक्रारदार यांनी पलूस येथील वीज महावितरण (mahavitran) कंपनीच्या कार्यालयात सोलर इन्स्टॉलेशनची फाईल सादर केली होती. ती फाईल मंजूर करण्यासाठी उपकार्यकारी अभियंता अतुल पेठकर व सहाय्यक अभियंता सागर चव्हाण यांनी संबंधिताला 45 हजार रुपयांची लाच मागितली होती. त्याबाबत संबंधिताने सांगलीच्या लाचलुचपत प्रतिबंधक विभागाकडे (ACB) तक्रार केली होती. (Breaking Marathi News)

या तक्रारीची लाचलुचपत प्रतिबंधक विभागाने शहनिशा केली. त्यानंतर पेठकर व चव्हाण यांच्यावर एसीबीनं (acb) सापळा रचला. यावेळी पेठकर व चव्हाण यांनी तक्रारदाराला 45 हजार रुपयांचे लाच मागितल्याचे निष्पन्न झाले.

त्यानंतर संबंधिताला पैसे घेऊन पेठकर व चव्हाण यांच्याकडे पाठवण्यात आले. पेठकर यांनी तक्रारदाराला लाचेची (bribe) मागणी करून 45 हजार रुपये स्वीकारल्याचे समोर आले. याप्रकरणी सागर चव्हाण यालाही ताब्यात घेण्यात आले आहे. (Maharashtra News)

Edited By : Siddharth Latkar