Beed News: बीडच्या कृषी उत्पन्न बाजार समिती निवडणूकीत आमदार संदीप क्षीरसागर आणि जयदत्त क्षीरसागर हे काका पुतणे पुन्हा एकदा आमने सामने आले आहेत. काका जयदत्त क्षीरसागर यांना कोंडीत पकडण्यासाठी आमदार संदीप क्षीरसागरांनी 5 पक्षांना सोबत घेऊन काकांची कोंडी केली आहे. तर दुसरीकडे परळीत मुंडे बहीण भावात संघर्ष निर्माण झाला आहे. (Latest Marathi News)

बीड जिल्ह्यातील 8 कृषी उत्पन्न बाजार समिती निवडणुकांसाठी उद्या मतदान होणार आहे. या निवडणुका सर्वच नेत्यांनी प्रतिष्ठेच्या केल्या आहेत. मागील पंधरा दिवसांमध्ये निवडणुकीच्या प्रचारानिमित्त आरोप प्रत्यारोप पाहायला मिळाले.

आता प्रचाराच्या तोफा थंडावल्या असून अस्तित्व टिकवण्यासाठी दिग्गजांपुढे आव्हान असणार आहे. या निवडणुकीत काका जयदत्त क्षीरसागरांनी बोगस मतदार नाव नोंदविण्याचा थेट आरोप संदीप क्षीरसागर यांनी केला.

तर काका जयदत्त क्षीरसागर यांनी टक्केवारीवरून पुतण्या संदीप क्षीरसागर यांना लक्ष केले. प्रत्येक बाबतीत तोड पाणी आणि वसुली केली जाते. मलाही पैसा खाता आला असता मात्र तसं केले नाही. असं म्हणत जयदत्त क्षीरसागरांनी पुतण्यावर टीकास्त्र सोडले. (Maharashtra Political News)

दरम्यान, आजपर्यंत विधानसभा, खासदारकी या निवडणुकीत पाहायला मिळणारे राजकारण आता स्थानिक स्वराज्य संस्थेच्या निवडणुकीत अनुभवायला मिळत आहे. उद्या मतदान होणार असून 29 तारखेला निकाल हाती येणार आहेत. त्यामुळे हे सर्व नेते आपली सत्ता राखतात की नव्यांना यात संधी मिळते ? हे पाहणं महत्त्वाच असणार आहे.