सातारा : राज्य शासनाने १५ जूलैला काढलेला शासन निर्णय हा MPSC, ESBC, SEBC, EWS उमेदवारांसाठी भरती प्रक्रियेसाठी किचकट असल्याचे खासदार संभाजीराजे छत्रपती यांनी म्हटलं आहे. विद्यार्थ्यांना न्याय देण्यासाठी दिरंगाई न करता शासनाने योग्य हालचाली कराव्यात अशी मागणी ही खासदार संभाजीराजेंनी Sambhajiraje Chhatrapati केली आहे.

मराठा समाजाला आरक्षण maratha reservation मिळावे यासाठी खासदार संभाजीराजे छत्रपती यांनी लढा सुरुच ठेवला आहे. आजही त्यांना समाजातील युवकांना भरती प्रक्रियेत अडचणी जाणवू शकतात त्यामुळे सरकारने १५ जूलैचा शासन निर्णयात याेग्य ताे बदल करावा अशी मागणी ट्विट करुन केली आहे.

खासदार संभाजीराजे छत्रपती हे येत्या दाेन सप्टेंबरला राष्ट्रपती रामनाथ काेविंद यांची भेट घेणार आहेत. मराठा आरक्षणाच्या मुद्यावर चर्चा करण्यासाठी आणि मराठा समाजाच्या वतीने त्यांच्या भावना व्यक्त करण्यासाठी ही भेट असल्याचे त्यांनी नुकतेच सांगितलं हाेते.