रामू ढाकणे 

छत्रपती संभाजीनगर : छत्रपती संभाजी नगर जिल्ह्यातील सोयगाव तालुक्यातल्या गिरडा घाटातून वन विभागाच्या कर्मचाऱ्यांनी पुन्हा एकदा बिबट्याला जेरबंद केले आहे. गेल्या दोन महिन्यांत हा सहावा बिबट्या पकडला  6वा बिबट्या असून अजून एका बिबट्याचा वन विभागाकडून शोध सुरू आहे.

संभाजीनगरच्या (Sambhajinagar) सिल्लोड तालुक्यातील सावळद बारा आणि गिरडा घाटात सातत्यानं बिबट्याचं दर्शन होत असते. या भागात बिबट्याने हल्ला करत अनेक वन्य प्राण्यांचा फडशा पडला आहे. वारंवार असे चित्र पाहण्यास मिळत असल्याने व बिबट्याचे देखील अनेकदा दर्शन होत असल्याने आजूबाजूच्या परिसरातील नागरिकांमध्ये घाबरत पसरलेली होती. अशातच दोन बिबट नागरिकांच्या निदर्शनास पडले होते. यामुळे वन विभागाकडून (Forest department) बिबट्याला पकडण्यासाठी वन विभागाने पिंजरा लावला होता. अखेर एक बिबट्या यात अडकला आहे. 

वन विभागाकडून एका बिबट्याला पकडण्यात यश मिळाले असून आणखी एका बिबट्याचा पकडण्यासाठी प्रयत्न सुरु आहेत. या भागात वारंवार बिबट येत असल्याने दहशतीचे वातावरण निर्माण झाले. त्यामुळं शेतकरी शेतात जातांना घाबरत आहे. शिवाय शाळकरी मुले देखील मोठया व्यक्तीच्या सरक्षणातच शाळा गाठत आहे.