नवनीत तापडीया

छ्त्रपती संभाजीनगर : वाहन चालकाला झोप लागल्यामुळे समृद्धी महामार्गावरील (Samruddhi Mahamarg) बहुतांश अपघात (Accident) झाल्याचा दावा महाराष्ट्र राज्य रस्ते विकास महामंडळाने केला आहे. चालकांची झोप उडवण्यासाठी ‘एमएसआरडीसी’ने प्रत्येक २५ किलोमीटरवर रंबलस्ट्रीप लावण्यास सुरुवात केली आहे. (Maharashtra News)

समृद्धी महामार्गावरील गंगापूर, वैजापूर तालुक्याच्या हद्दीत हे काम सुरू झाले आहे. रात्री पुलावरील कठडे दिसावेत, म्हणून रेडियम स्ट्रिप लावण्यात येत आहेत. प्रत्येक पाच किलोमीटर अंतरावर रंगीबेरंगी झेंडे बसवले जात आहेत. महामार्गावर वाहने कशी चालवावी; यावर टोल नाक्यावर चालकांना ऑडिओ क्लिपच्या माध्यमातून सूचना देण्यात येणार आहेत. रंबल स्ट्रिप अपघात रोखण्यासाठी मोठा फायदा होण्याची शक्यता वर्तविण्यात येत आहे.

रंबलस्ट्रीप म्हणजे काय?

रंबलस्ट्रीप म्हणजे महामार्गावर छोट्या पट्ट्यांच्या स्पीड ब्रेकरची एक श्रृंखला तयार करण्यात येते. त्यांना रंबलस्ट्रीप म्हणतात या स्ट्रीपवरून वाहन गेल्यावर कंपनासारखा गडगडणारा आवाज ऐकू येतो, चालकाला सावध करण्यासाठी रंबल स्ट्रीटचा वापर होतो.