रामू ढाकणे 

छत्रपती संभाजीनगर : भारतात रेल्वेचे जाळे पसरत आहे. नवीन रेल्वे गाड्या वेगवेगळ्या लाईनवर धावत आहेत. यात वंदे भारत हि ट्रेन आता सर्वच लाईनवर धावण्याचे नियोजन आहे. यासाठी लागणारे पार्टस आता छत्रपती संभाजीनगर शहरालगत असलेल्या शेंद्रा एमआयडीसीमध्ये बनविले जाणार आहेत. यासाठी कंपनीकडून १०० कोटींची गुंतवणूक देखील करणार आहे. 

संभाजीनगरच्या (Sambhajinagar News) शेंद्रा एमआयडीसी परिसरात वंदे भारत ट्रेनचे पार्टस बनविण्यासाठी जुपिटर तात्राव्यागोंका ही कंपनी १०० कोटीची गुंतवणूक करणार असून या कंपनीत रेल्वेला लागणाऱ्या पार्टचे उत्पादन केले जाणार आहे. तर सोबतच वंदे भारत ट्रेनला (Vande Bharat Train) लागणारे पार्ट सुद्धा येथेच बनवण्यात येणार आहे. त्यामुळे सुमारे 200 बेरोजगारांच्या हाताला काम मिळेल अशी माहिती व्यवस्थापकीय संचालक विवेक लोहिया यांनी दिली. 

प्रामुख्याने चाकांची होणार निर्मिती 

भारतात रेल्वेच जाळे सर्वत्र पसरले असून रेल्वेच्या चाकांची मागणी जास्त होत आहे. त्यानुसार उत्पादनाला प्राधान्य दिले जाणार असून शेंद्रा औद्योगिक वसाहतीत कंपनी गुंतवणूक करणार आहे. यामुळे व्हील सेट उत्पादनाला चालना मिळणार असून वंदे भारत रेल्वेसाठी लागणाऱ्या पार्टची मागणी देखील पूर्ण करता येईल.