रामू ढाकणे 

छत्रपती संभाजीनगर : एकीकडे लोकसभा निवडणुकीची धामधूम सुरू आहे. दुसरीकडे मात्र शेतकरी वर्ग कुठल्या ना कुठल्या प्रश्नावरून आक्रमक होताना दिसत आहे. यातच दूध दर कपातीच्या निषेधार्थ आज छत्रपती संभाजीनगर जिल्ह्यातील आडगाव येथे शेतकऱ्यांनी दूध अंगावर ओतून घेत आंदोलन केलं. 

सरकारने दुधाला २६ रुपये भाव दिला. मात्र, ४० रुपये प्रति लिटर दराने भाव मिळावा; अशी प्रमुख मागणी आता दूध उत्पादक शेतकरी करत आहे. (Sambhajinagar) १ तासापासून हे आंदोलन सुरू आहे. मोठ्या संख्येने दूध उत्पादक शेतकरी यामध्ये सहभागी झाले. गेल्या काही दिवसापूर्वी याच ठिकाणी (Milk) दूध उत्पादक शेतकऱ्यांनी रस्त्यावर दूध ओतून आपला निषेध व्यक्त केला होता. आज पुन्हा एकदा सकाळी १० वाजता हे शेतकरी एकवटले आणि त्यांनी रस्त्यावर ठिय्या मांडत सरकारचा निषेध नोंदवला.

सरकार विरोधात घोषणाबाजी 

एक ते दीड तास हे आंदोलन सुरू होतं. दरम्यान शेतकऱ्यांचे (farmer) मरण हेच सरकारचे धोरण असेही काही शेतकऱ्यांनी सांगितलय. त्यामुळे सरकारने आता आमच्या मागण्या पूर्ण केल्या नाही, तर यापेक्षाही आक्रमक (Milk Price) आंदोलन करू असा इशाराही दूध उत्पादक शेतकऱ्यांनी दिला आहे. तर शेतकऱ्यांनी यावेळी सरकार विरोधात तीव्र घोषणाबाजी केली.