रामू ढाकणे 

छत्रपती संभाजीनगर : बदलापूर येथील अल्पवयीन मुलींवरील अत्याचारास राज्यात होत असलेल्या अत्याचाराच्या घटनांचे पडसाद उमटत आहेत. अशात रिक्षा चालकांकडून विद्यार्थिनींसमोर अश्लील कृत्य करण्यात आल्याचा प्रकार समोर आला आहे. या प्रकरणातील संशयित पाच दिवसांपासून फरार असताना पोलिसांनी त्याला ताब्यात घेतले आहे. 

छत्रपती संभाजीनगर (Sambhajinagar) शहरातील बाबा चौक ते कोकणवाडी दरम्यान पॉलिटेक्निक महाविद्यालयात तिसऱ्या वर्षात शिकणारी एक तरुणी रिक्षात जात असताना हा सगळा प्रकार घडला होता. याबाबत तरुणीने पोलिसात धाव घेत घडल्याप्रकाराबाबत तक्रार दिली होती. गुन्हा दाखल झाल्यानंतर तो पसार (Crime News) झाला होता. दरम्यान २५ जून रोजी दिल्ली गेट परिसरात घडलेल्या घटनेमध्ये हा समीर बाबा हा अग्रस्थानी होता. कारागृहातून परत आल्यानंतर अल्पवयीन विद्यार्थिनी समोर त्यानं हे कृत्य केलं होतं.

तुला पैसे लागतात का? असे म्हणत या रिक्षा चालकाने विद्यार्थिनी समोर कपडे काढून अश्लील कृत्य केले. मागील पाच दिवसांपासून फरार असलेल्या रिक्षा चालकाला अखेर सहाव्या दिवशी पोलिसांनी (Police) ताब्यात घेतले आहे. समीर बाबा पठाण असं या विकृत रिक्षा चालकाच नाव असून वेदांत नगर पोलिसांनी त्याला ताब्यात घेतले आहे.