मुंबई : शिवसेना ठाकरे गटाचे खासदार संजय राऊत (Sanjay Raut)  यांनी शेअर केलेल्या एका व्हिडीओमुळे मोठं वादंग उठलं आहे. महाविकास आघाडीच्या मोर्चा दाखवताना संजय राऊतांना मराठा क्रांती मोर्चाचा व्हिडीओ शेअर केला. यावरुन छत्रपती संभाजीराजे यांनी संजय राऊत यांची कानउघाडणी केली आहे.

संजय राऊत यांनी 2017 साली मुंबई येथे झालेल्या मराठा क्रांती मोर्चाचा व्हिडिओ ट्वीट करत हा व्हिडिओ महाविकास आघाडीच्या मोर्चाचा असल्याचा दावा केला आहे. यावर छत्रपती संभाजीराजे यांनी ट्वीट करत संजय राऊत यांची कानउघाडणी केली आहे.  (Latest Marathi News)

छत्रपती संभाजीराजे आपल्या ट्वीटमध्ये म्हटलं की, संजय राऊत, ज्या मोर्चाला तुम्ही मुका मोर्चा म्हणून हिणवले तोच मराठा क्रांती मोर्चा आज स्वतःच्या राजकारणासाठी वापरत आहात. या मोर्चाची चेष्टा करणारेही तुम्हीच होता. आज नसलेली ताकद दाखवण्यासाठी एकेकाळी ज्या मराठा समाजाला हिणवलं, त्यांचाच मोर्चा वापरताना जरा तरी तमा बाळगा.

मराठा क्रांती मोर्चाचा व्हिडीओ वापरल्यामुळे मराठा समाजकडून संजय राऊत यांच्यावर उद्या शिवाजी पार्क येथे गुन्हा नोंद व्हावा, यासाठी मराठा मोर्चा मंडळ सकाळी 10 वाजता शिवाजी पार्क पोलीस स्टेशन येथे जाणार आहे.

संजय राऊतांची शिवसेनेतून हकालपट्टी करा

ज्या मोर्चामुळे मराठा समाजाला न्याय मिळाला तो मोर्चा जणू आपलाच असल्याचं संजय राऊतांनी दाखवलं. अशा प्रकारचं वाईट कृत्य संजय राऊत यांनी केलं. माझी मागणी आहे की संजय राऊत यांनी मराठा समजाची माफी मागवी, तुम्ही मराठा क्रांती मोर्चाची माफी मागावी, अशी मागणी भाजप आमदार प्रसाद लाड यांनी केली आहे. माझी तर उद्धव ठाकरेंकडे मागणी आहे की संजय राऊतांची शिवसेनेतून हकालपट्टी करावी, अशी मागणी प्रसाद लाड यांनी केली.