- कैलास चाैधरी

Dharashiv News : लोकशाहीर अण्णाभाऊ साठे यांचा पुतळा (lokshahir annabhau sathe statue) धाराशिव शहरात उभारला जावा या मागणसाठी सकल मातंग समाजाच्या वतीने आंदाेलन छेडलं जात आहे. या आंदाेलनाचा आज पाचवा दिवस आहे. (Maharashtra News)

आज आंदाेलकांनी त्यांच्या मागणीसाठी लहुजी वस्ताद साळवे चौक ते जिल्हाधिकारी कार्यालयापर्यंत मोर्चा काढला. त्यानंतर सर्व आंदाेलकांनी जिल्हाधिकारी कार्यालयासमोरील रस्त्यावर ठिय्या मांडला.

यावेळी आंदाेलकांनी (aandolan) लोकशाहीर अण्णाभाऊ साठे यांचा पुतळा बसवा अन्यथा खूर्च्या खाली करा अशा घाेषणा दिल्या. दरम्यान शांततेत सुरू असलेल्या या आंदोलनात एक दुचाकीस्वार शिरला. त्याने आंदाेलकाचे कडे असलेल्या रिकाम्या जागेतून वाहन काढले.

त्यामुळे आंदाेलक संतपाले. त्यातील काहींनी दुचाकीस्वाराला फटकाविले. त्यातून वाद झाला. घटनास्थळावरील पाेलीसांनी आंदाेलकांना बाजूला करीत वाहनधारकाची सुटका केल्यानंतर प्रकरणावर पडदा पडला.

Edited By : Siddharth Latkar