- रणजीत माजगावकर

Kolhapur News : मराठा समाजाच्या विरोधात वक्तव्य करणाऱ्या मंत्री छगन भुजबळ यांच्यावर गुन्हा दाखल करा अशी मागणी लक्ष्मीपुरी पोलीस ठाण्यात सकल मराठा समाजाने तक्रार अर्ज दाखल करीत केली आहे. दरम्यान राष्ट्रवादीचे नेते आणि मंत्री छगन भुजबळ (chhagan bhujbal) यांच्या विरोधात कोल्हापुरात सकल मराठा समाजाने आज (शुक्रवार) आंदाेलन देखील केले. (Maharashtra News)

मराठा आरक्षणासाठी स्वतःचा जीव पणाला लावणाऱ्या जरांगे पाटील यांच्या विरोधात वादग्रस्त वक्तव्य करणाऱ्या मंत्री छगन भुजबळ यांच्या विरोधात कोल्हापूरच्या छत्रपती शिवाजी महाराज चौकात आज जोरदार घोषणाबाजी करत निदर्शने करण्यात आली.

या निदर्शनानंतर सकल मराठा समाज लक्ष्मीपुरी पोलीस ठाण्यात मंत्री छगन भुजबळ यांच्या विरोधात गुन्हा दाखल करण्यासाठी पोलीस निरीक्षकाच्या दालनात ठिय्या मांडला होता. यावेळी मंत्री भुजबळ यांच्या विरोधात तक्रार अर्ज देऊन कारवाई करण्याची मागणी करण्यात आली आहे. याबाबतची माहिती वकील प्रवीण इंदुलकर (निमंत्रक सकल मराठा समाज, कोल्हापूर) यांनी दिली.

Edited By : Siddharth Latkar