लातूर : विधानसभा निवडणुकीचं मतदान बुधवारी पार पडलं आहे. या मतदानानंतर आता साऱ्यांचं लक्ष निकालाकडे लागलं आहे. विशेष म्हणजे लातूर शहर विधानसभा मतदारसंघाकडे लोकांचं विशेष लक्ष असणार आहे. लातूर शहर विधानसभा मतदारसंघात काँग्रेसचे पारडं जड असल्याचं बोललं जात आहे.

लातूर शहर विधानसभा मतदारसंघात अमित देशमुख संभाव्य आमदार असण्याची शक्यता आहे. अमित देशमुख गेल्या अनेक वर्षांपासून लातूर शहराचं प्रतिनिधित्व करत आहेत. यंदाही अमित देशमुख यांचं नाव संभाव्य आमदार म्हणून समोर म्हणून पुढे आलं आहे.

लातूर शहर विधानसभा मतदारसंघात भाजपकडून अर्चना चाकुरकर या रिंगणात होत्या. लातूर शहर विधानसभा मतदारसंघाच गड हे अमित देशमुख हेच राखण्याची शक्यता वर्तवली आहे.

लातूर शहर विधानसभा मतदारसंघाची लढत चुरशीची पाहायला मिळाली. लातूर शहर विधानसभा मतदारसंघ हा काँग्रेसचा बालेकिल्ला मानला जातो. विलासराव देशमुख यांच्यानंतर अमित देशमुख यांनी या मतदारसंघाचं नेतृत्व करण्यास सुरुवात केली. अमित देशमुख हे यंदा चौथ्यांदा मतदारसंघाच्या रिंगणात होते. या मतदारसंघात भाजपकडून नवा चेहरा मतदारसंघातून देण्यात आला होता. अर्चना चाकुरकर या माजी केंद्रीय मंत्री पृथ्वीराज चाकुरकर यांच्या सूनबाई आहेत.

दुसरीकडे वंचित बहुजन आघाडीनेही या मतदारसंघात ताकद लावली होती. वंचितने या मतदारसंघात विनोद खटके यांना उमेदवारी दिली होती. शहरी भागात भाजपला मोठं मतदान झालं आहे. तर या मतदारसंघातील २७ गावे आहेत. या गावातून काँग्रेसला मोठं मतदान झालं आहे. एकूण या मतदारसंघात थोड्या फार फरकाने अमित देशमुख विजयी होण्याची शक्यता आहे.