- शुभम देशमुख

महालगाव- नाकडोंगरी मार्गाची तातडीने दुरूस्त करावी, ब्राम्हणटोला- बिनाखी रस्त्यावर अवजड वाहनांना वाहतूक करण्यास बंदी घालावी आदी मागण्यांसाठी आज (शनिवार) महालगाव फाटा येथे ग्रामस्थांनी रास्ता राेकाे आंदाेलन केले. या आंदाेलनामुळे भंडारा- बालाघाट मार्गावर तीन तास वाहतूक ठप्प झाली हाेती.

रेतीच्या जड वाहतुकीने महालगाव ते नाकाडोंगरी राज्यमार्ग जमिनीत गेला आहे. या मार्गावरून डांबर आता दिसेनासा झाले आहे. हा मार्ग खड्ड्यात गेला आहे. नागरिकांना पायदळ चालणे कठीण झाले आहे.

नाकाडोंगरी ते महालगाव मार्गाने चालायचे की मरायचे असा एकच सवाल उपस्थित होत आहे. याच मार्गाच्या दुरुस्तीसाठी भंडारा बालाघाट राष्ट्रीय महामार्गावर नागरिकांनी आज रास्ता रोको आंदोलन केले. या आंदोलनामुळे भंडारा- बालाघाट मार्ग तब्बल तीन तास ठप्प झाला हाेता. दोन्ही बाजूला वाहनाच्या लांबच लांब राग लागलेली होती.

Edited By : Siddharth Latkar