- अमर घटारे

Hanuman Chalisa : माजी मुख्यमंत्री उद्धव ठाकरे (uddhav thackeray) आणि मुख्यमंत्री एकनाथ शिंदे यांना अंधेरीत हाेणा-या विधानसभा निवडणुकीत शिवसेना आणि चिन्हं वापरण्यासाठी तात्पूरती मनाई केली आहे. त्यानंतर दाेन्ही गटाकडून नव्या नावासाठी आणि चिन्हासाठी दावा केला जात आहे. दरम्यान या घडमाेडी सुरु असतानाच आमदार रवी राणा (ravi rana) यांनी उद्धव ठाकरे यांनी हनुमान चालीसा म्हणण्यासाठी अटकाव केल्यानं प्रभु रामानं त्यांचं धनुष्यबाण हिसाकावून घेतलं अशी टीका केली आहे. (Maharashtra News)

आमदार रवी राणा म्हणाले उद्धव ठाकरे यांनी मातोश्री समोर हनुमान चालीसा वाचण्यासाठी मनाई केला. त्यानंतर खासदार नवनीत राणा यांनी लाॅकअपमध्ये टाकले. एका महिलेला पाेलीसांच्या माध्यमातून त्रास दिला. (Ravi Rana Latest News)

खासदार राणांना १४ दिवस उद्धव ठाकरे यांनी पोलिसांच्या माध्यमातून तुरुंगात टाकलं. त्यांच्यावर राजद्रोहाचा गुन्हा दाखल केला. त्यांनी हनुमान चालीसेचा विरोध केल्यानेच श्रीराम भगवान यांनी उद्धव ठाकरेंचं धनुष्यबाण हिसकावून घेतलं असेही आमदार राणा यांनी नमूद केले. (Uddhav Thackeray News)

Edited By : Siddharth Latkar