सातारा : राष्ट्रवादीचे (ncp) नेते खासदार शरद पवार (sharad pawar) यांच्या घरावर झालेल्या हल्ल्याचा निषेध नाेंदवित हा हल्ला पक्षानं केल्याचे सिद्ध झाल्या मी खासदार पदाचा राजीनामा देईन असे माढ्याचे भाजपचे खासदार रणजितसिंह नाईक निंबाळकर (ranjitsinh naik nimbalkar) यांनी येथे नमूद केले. (Ranjitsinh Naik Nimbalkar News)

राज्यातील काही एसटी (msrtc) कर्मचा-यांनी ज्येष्ठ नेते शरद पवार यांच्या घरावर काही दिवसांपुर्वी हल्ला केला. या हल्ल्याचा राष्ट्रवादीसह विविध पक्षातील नेत्यांनी निषेध नाेंदविला. काहींना हा भाजपनं (bjp) रचलेला कट असल्याचे आराेप केले आहेत.

माढ्याचे भाजपचे खासदार रणजितसिंह नाईक निंबाळकर यांनी या हल्याचा निषेध व्यक्त करत खासदार सुप्रिया सुळे (supriya sule) या पुढे नसत्या आल्या तर नक्कीच दुर्घटना घडली असती असे नमूद केले. रणजीतसिंह म्हणाले पवार साहेबांच्या आम्ही राजकीय विरोधक असलो तरी ते महाराष्ट्राचं एक मोठ नेतृत्व आहे. त्यांचा आदर महाराष्ट्राचे नेते म्हणून नक्की आम्हाला आहे. या प्रकरणात भाजपचा हात असेल तर मी माझ्या खासदारकीचा राजीनामा देईन कारण मला माझ्या पेक्षा जास्त देवेंद्र फडणवीस (devendra fadnavis) आणि भाजपच्या संस्कृतीवर विश्वास आहे असे रणजीतसिंह यांनी स्पष्ट केले.

Edited By : Siddharth Latkar