Satara Political News : खासदारांमध्ये 542 पैकी एकमेव खासदार आहेत ज्यांनी मिक्सर दुरुस्तीत डिप्लोमा केला आहे. अशा लोकांना हिंदुत्व (Hindutva) हा शब्द तरी लिहिता येईल का भाजपा खासदार रणजितसिंह निंबाळकर (Ranjitsinh Naik Nimbalkar) यांच्यावर खरमरीत टिका रामराजे नाईक निंबाळकर (Ramraje Naik Nimbalkar) यांनी केली.

फलटण तालुक्यातील गोखळी येथील कापूस उत्पादकांच्या शेतकरी मेळाव्यात माजी सभापती रामराजे नाईक निंबाळकर यांनी भाजपा खासदार रणजितसिंह निंबाळकर यांच्यावर जोरदार टीका केली. संसदेतल्या 542 खासदारांपैकी रणजितसिंह हे एकमेव खासदार आहे ज्यांनी हाऊस अप्लायंसेस मेंटेनंन्स डिप्लोमा केला आहे.

हा डिप्लोमा मिक्सर टोस्टर मेंटेनंन्सचा असल्याचे सांगून अशा खासदाराला साधा हिंदुत्व हा शब्द तरी लिहायला येईल का असा सवाल विचारत रामराजेंनी खासदार रणजितसिंह निंबाळकर यांच्यावर निशाणा साधला. (Maharashtra News)

येणा-या निवडणुकीच्या पार्श्वभुमीवर फलटण मधलं राजकारण चांगलच तापल्याचं पाहायला मिळत आहे. येत्या काही दिवसात केंद्रीय गृहमंत्री अमित शहा हे साता-यातील फलटण दौ-यावर येणार आहेत. या दौ-या पुर्वी रामराजेंनी केलेल्या या विधानाची चांगलीच चर्चा सध्या सातारा जिल्ह्यात रंगली आहे. आता अमित शहा (Amit Shah In Phaltan) यांच्या फलटण दौ-यात रामराजेंच्या या टिकेला कशा पद्धतीनं उत्तर दिलं जातय हे पाहाणं औत्सुक्याचं ठरणार आहे.

Edited By : Siddharth Latkar