फलटण : जागतकि पर्यावरण दिना (world environment day) निमीत्त सातारा (satara) जिल्ह्यातील फलटण (phaltan) शहरात एक हजार झाडं लावण्यात आली. या उपक्रमाचा प्रारंभ विधानपरिषद सभापती रामराजे नाईक निंबाळकर (ramraje naik nimbalkar) यांच्या हस्ते वृक्षारोपण करुन करण्यात आला. या कार्यक्रमात विनविभाग सातारा, मुधोजी महाविद्यालय फलटण तसेच आम्ही निसर्ग सोबती या संस्थांनी सहभाग घेतला.

यावेळी निसर्गासाठी मोलाचा हातभार लावुन लावलेली झाडे जगवण्यासाठी कायम प्रयत्न करण्याचा निश्चय करुन फलटण तालुक्यातील जावली गावात १५ लाख झाडं लावण्याचा संकल्प देखील करण्यात आला.

यावेळी रामराजे म्हणाले प्रत्येकाने दहा झाडं लावली पाहिजेत. निवडणुकीचं तिकीट पाहिजे तर दहा झाडं लावुन दाखवा असा फतवाच काढला पाहिजे असा सल्ला सुद्धा रामराजे यांनी दिला. झाडं लावण्याच्या बाबतीत ग्लॅमर आलं पाहिजे. अभिनेत्यांनी या चळवळीत आले पाहिजे. त्यांच्या येण्यामुळं युवा वर्ग यात सहभागी होईल. झाडं लावण्याची चळवळ निर्माण होईल असे राजेंनी नमूद केले. या कार्यक्रमास जिल्हा परिषदेचे माजी अध्यक्ष संजीवराजे निंबाळकर, आमदार दीपक चव्हाण, उपवनसंरक्षक महादेव मोहीते तसेच इतर मान्यवर उपस्थित होते.

Edited By : Siddharth Latkar